Тайи 10 соли ахир Чин ба иқтисоди Тоҷикистон ҳудуди 3,8 миллиард доллар сармоягузорӣ кардааст. Дар ин бора Эмомалӣ Раҳмон, раисиҷумҳури Тоҷикистон, дар мулоқот бо Ван И, вазири умури хориҷии Чин, ки бо як сафари дурӯза вориди Душанбе шудааст, изҳор дошт.
«Чин яке аз шарикони муҳими кишвари мо дар соҳаи ҳамкориҳои тиҷоратию иқтисодӣ ва сармоягузорӣ мебошад. Ҳаҷми умумии сармоягузории Чин ба иқтисоди Тоҷикистон дар 10 соли ахир 3,8 миллиард долларро ташкил додааст», — Эмомалӣ Раҳмон қайд кард.
Сарвари давлат таъкид кард, ки Тоҷикистон ба рушди ҳамкориҳо бо Чин дар заминаи иқтисоди сабз ва рақамӣ, зеҳни сунъӣ ва бунёди истеҳсолот бо истифода аз фанновариҳои аз ҷиҳати экологӣ тоза манфиатдор аст.
ТАСС хабар медихад.
Акс: аз манбаъҳои кушода
