Ван И, вазири умури хориҷаи Чин, ки бо як сафари расмӣ дар Душанбе қарор дорад, пешниҳоди эҷоди як платформа барои содда кардани додани раводид ба шаҳрвандони Тоҷикистон, аз ҷумла бо ҳадафҳои тиҷоратӣ ва аёдати хешовандонро садо дод.
«Мо аз ҷорӣ намудани низоми бидуни раводид барои 14 рӯз аз ҷониби Тоҷикистон барои тоифаҳои муайяни шаҳрвандони Чин истиқбол мекунем. Мо ҳамчунин пешниҳод кардем, ки платформа барои расмиёти соддагардонидашудаи додани раводиди бисёркарата ба муддати даҳсола барои сафарҳои кӯтоҳмуддати шаҳрвандони Тоҷикистон, аз ҷумла бо мақсадҳои тиҷоратӣ, аёдати хешовандон, сафарҳои шахсӣ ва аъзои экипаж», — гуфт сардори вазорати корхои хоричии Хитой баъди гуфтушунид бо сардор ВКХ Точикистон Сироджиддин Мухриддин.
Илова бар ин, Ван И зикр кард, ки ҷониби Чин омода аст бо дарназардошти ниёзҳои воқеии сафарҳои мутақобилаи шаҳрвандон лоиҳаҳои бузургмиқёсро дар соҳаи нақлиёт ва коммуникатсия амалӣ созад. Вай инчунин аз ифтитоҳи парвозҳои мустақими бештар хабар дод. Ба гуфтаи Ван И, дар ҳоли ҳозир беш аз панҷ ҳазор донишҷӯи тоҷик дар Чин таҳсил мекунанд. «Мо бо камоли хушнудӣ ҷавонони бештари Тоҷикистонро барои таҳсил дар Чин истиқбол хоҳем кард», —– илова кард сардори идораи дипломатии Хитой.
Акс: аз манбаъҳои кушода
