Ҳайати Русия қасд дорад дар нишасти Шӯрои Амнияти СММ, ки рӯзи 20 май баргузор мешавад, масъалаи тирборон кардани мавзеъҳои ғайринизомӣ дар Белгород аз ҷониби Украина, аз ҷумла истифодаи аслиҳаи ғарбиро матраҳ кунад. Дар ин бора Родион Мирошник, сафири вазорати умури хориҷии Русия, рӯзи 15 май зимни боздидаш аз Белгород ба хабарнигорон гуфт.
«Мо барои рӯзҳои наздик як сӯҳбате дорем. То ҷое ман медонам, ҷаласаи Шӯрои Амнияти СММ рӯзи 20 май баргузор мешавад, ки дар он масъалаи истифодаи силоҳи Ғарб аз ҷониби Украина баррасӣ мешавад», — гуфт у.
Ба гуфтаи Родион Мирошник, дипломатҳои Русия низ барои рафъи ин ҳамлаҳо дар платформаҳои дигари байналмилалӣ талош доранд. Вай таъкид кард, ки марги дастаҷамъии мардуми осоишта як чолишҳои ҷиддӣ аст ва дар чунин мавридҳо ба амалҳое, ки боиси чунин пайомадҳо шудаанд, бояд баҳои ҳуқуқӣ дода шавад.
Акс: аз манбаъҳои кушода
