Дар маркази Филиппин, дар ҷазираи Лузон, кӯли Пантабанган ҷойгир аст – бузургтарин обанбори кишвар. Бо вуҷуди ин, тағйироти иқлимии ахир ба рӯйдодҳое оварда расонд, ки метавонанд тасвири таърихии ин минтақаро тағйир диҳанд.
Аз моҳи январ то апрели соли 2024, Филиппин хушксолиро аз сар гузаронд, ки дар натиҷаи ҳарорати ғайримуқаррарӣ ва набудани боришот ба вуҷуд омадааст. Дар натича сатхи оби кули Пантабанган чунон паст шуд, ки харобахои шахри кадима, ки зиёда аз ним аср дар зери об пинхон шуда буд, намоён гардид.
Шаҳри Пантабанган беш аз 300 сол пеш бунёд шуда буд, аммо дар солҳои 1970-ум ҳангоми бунёди обанбор зери об монда буд. Ҳоло, ки об коҳиш ёфтааст, сокинон ва муҳаққиқон имкони беназири омӯзиши ин макони гумшударо доранд.
Марлон Паладин, муҳандиси Идораи миллии обёрӣ, гуфт, ки қисматҳои калисо ва сангҳои қабр дар моҳи март, вақте ки хушксолӣ ба авҷи худ расид, намоён шуданд.
Акс: аз манбаъҳои кушода
