13 майи соли 2024 дар Остона мулоқоти Сафири Ҷумҳурии Тоҷикистон дар Ҷумҳурии Қазоқистон Хайрулло Ибодзода ва Вазири савдо ва ҳамгироии Ҷумҳурии Қазоқистон Арман Шакалиев баргузор гардид.
Дар ҷараёни мулоқот ҷонибҳо масъалаҳои рушд ва тавсеаи ҳамкориҳои дуҷониба дар бахшҳои иқтисод, тиҷорат ва логистикиро баррасӣ карданд. Онҳо ҳамчунин дурнамои баргузории ҷаласаи навбатии Комиссияи байниҳукуматии Тоҷикистону Қазоқистон оид ба ҳамкориҳои иқтисодиро баррасӣ карданд.
Илова бар ин, дар мулоқот мавзӯъи иҷрои харитаи роҳ барои афзоиши гардиши мол миёни Тоҷикистон ва Қазоқистон матраҳ шуд. Ҷонибҳо имкони афзоиши содироти меваю сабзавот, бахусус пиёзи барвақт аз Тоҷикистон ба Қазоқистонро баррасӣ карданд. Инчунин чорабиниҳои муштараки дарпешистода, ки барои соли ҷорӣ ба нақша гирифта шудаанд, баррасӣ шуданд.
Акс: ВКД ҶТ
