Шӯрои бозаргонии Русияву Тоҷикистон (ШБРТ) ва чанд ширкати русӣ қасд доранд, дар бораи таъсиси паркҳои муштараки саноатӣ дар Тоҷикистон қарордод имзо кунанд. Маросими имзои санадҳо дар ҳошияи Форуми XV байналмилалии иқтисодии «Русия – ҷаҳони ислом: KazanForum» баргузор мешавад.
Тавре аз роҳбарияти ШБРТхабар доданд, рӯзи 17 май дар ин ҳамоиш ҷаласаи Шӯро баргузор мешавад, ки дар паи он байни ШБРТ, ҶСК «Химград», ҶСК Корпоратсияи Рушди Урали Миёна ва Ассотсиатсияи паркҳои саноатии Русия созишномаҳои ҳамкорӣ ба имзо мерасанд. Ин созишномаҳо ба бунёди паркҳои муштараки саноатӣ дар қаламрави Тоҷикистон, беҳбуди равобити коршиносон ва намояндагони доираҳои тиҷоратӣ ва ҳамчунин густариши ҳузури соҳибкорони Русия дар Тоҷикистон мусоидат хоҳанд кард.
Дар ин нишаст, ки таҳти раёсати Ислом Назаралиев, раиси ШБРТ баргузор мешавад, дар назар аст, ки намояндагони вазоратҳои блокҳои иқтисодӣ ва саноатии Федератсияи Русия ва Тоҷикистон ва ҳамчунин утоқҳои бозаргонӣ ва саноатии ҳарду кишвар ширкат кунанд.
ТАСС хабар медихад.
Акс: аз архив
