8 май аз соати 18:00 то 23:00 бахшида ба Рӯзи байналмилалии осорхонаҳо меҳмонон метавонанд дар барномаи анъанавии «Шаб дар осорхона» ширкат варзанд. Имсол барнома боз ҳам гуногунтар шуда, 24 барномаи фарҳангиро барои кӯдакон, наврасон, ҷавонон ва ҳамагон дар бар мегирад.
Ҳадаф аз баргузории барномаи фарҳангию фароғатии «Шаб дар осорхона» ҷалби таваҷҷуҳи ҷомеаи шаҳрвандӣ ба таъриху фарҳанги кишвар, баланд бардоштани ҳисси ватандӯстӣ ва ҳувияти миллӣ ва ҳамчунин бедор кардани ифтихори ватандӯстӣ дар насли наврас мебошад.
Чорабинии «Шабе дар осорхона» бори аввал соли 1997 дар Берлин (Олмон) ташкил шуда, баъдан соли 1998 дар Фаронса, Англия ва Русия баргузор гардид. Дар Ҷумҳурии Тоҷикистон чорабинии мазкур бори аввал пас аз ифтитоҳи бинои нави Осорхонаи миллии Тоҷикистон дар соли 2013 баргузор гардид.
Дар ин бора ба АМИТ «Ховар» хабар медидад.
Акс: аз манбаъҳои кушода
