Вазорати иқтисод ва молияи ин кишвар эълом кард, ҳукумати Кореяи Ҷанубӣ як бастаи кумаки молиро барои тавлидкунандагони маҳаллии нимноқил омода мекунад. Барнома ҷудо кардани беш аз 10 триллион вон (7,3 миллиард доллар) ба истеҳсолкунандагонро дар бар мегирад.
Вазири молия Чой Санг Мок рӯзи ҷумъаи 10 май дар мулоқот бо намояндагони соҳа аз омодагии барнома хабар дод. Ба гуфтаи ӯ, мақомот барои дастгирии сармоягузорӣ ба таҷҳизот ва R&D аз ҷониби истеҳсолкунандагони нимноқил маҷмӯи чораҳо омода мекунанд. Вариантҳои баррасишуда ё маблағгузории истеҳсолкунандагон аз ҷониби Бонки Корея ё таъсиси фонд бо иштироки ҳам муассисаҳои молиявии давлатӣ ва ҳам хусусӣ мебошанд. Вазир мушаххас накард, ки ин маблағҳо то кай ва дар кадом шакл ҷудо мешаванд. Ҳукумат ваъда медиҳад, ки дар ояндаи наздик тамоми ҷузъиётро нашр хоҳад кард.
Акс: аз манбаъҳои кушода
