Вазорати умури хориҷаи Тоҷикистон ва вазорати хориҷаи Эрон даври дувуми машваратҳои сиёсиро дар Теҳрон баргузор карданд. Дар мулоқот ҷонибҳо вазъият ва дурнамои ҳамкориҳои гуногунҷанбаи ду кишварро баррасӣ карданд.
Бино ба иттилоъи вазорати умури хориҷаи Тоҷикистон, ширкаткунандагони машварат ҳамчунин доир ба рӯйдодҳои ахири минтақа ва ҷаҳон табодули назар карданд. Ҳайатҳоро муовинони вазирони хориҷаи Тоҷикистон Фаррух Шарифзода ва Эрон Алӣ Бағерӣ раҳбарӣ карданд.
Ҳайати Тоҷикистонро вазири хориҷаи Эрон Амир Абдуллоҳиён ба ҳузур пазируфт. Зимни мулоқот ҷонибҳо масъалаҳои таҳкими ҳамкориҳоро ба манзури иҷрои тавофуқоти раҳбарияти олии ду кишвар баррасӣ карданд.
Илова бар ин, Фаррух Шарифзода бо Меҳдии Сафарӣ, муъовини дигари вазири умури хориҷаи Эрон мулоқот кардааст. Дар мулоқот масоили ҳамкориҳои тиҷоративу иқтисодии ду кишвар ва мусоидат ба иҷрои тарҳҳои муштараки иқтисодӣ баррасӣ шуд.
ТАСС хабар медихад.
Акс: ВКД ҶТ
