Имрӯз Рӯзи байналмилалии ҳуқуқи маъюбон таҷлил мешавад. Ин сана соли 1992 таъсис ёфтааст, ки маъюбон аз 17 кишвари аврупоӣ ҳамзамон ба нишони эътироз алайҳи табъиз ва барои ҳуқуқи баробар барои ҳама тазоҳурот баргузор карданд. Аз он вақт инҷониб, чунин чорабиниҳо анъанавӣ шудаанд.
22 марти соли 2018 дар шаҳри Ню-Йорк асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Конвенсияи СММ дар бораи ҳуқуқи маъюбонро ба имзо расониданд. Ин санади муҳим ҳуқуқи маъюбонро ҳамчун узви комилҳуқуқи ҷомеа эътироф намуда, барои фароҳам овардани шароит барои зиндагии муътадил ва шоистаи онҳо мусоидат мекунад.
Сиёсати Президенти Ҷумҳурии Тоҷикистон ба он нигаронида шудааст, ки маъюбон ҳамеша ғамхорӣ ва дастгирии давлату ҳукуматро эҳсос намуда, ҳуқуқҳои онҳо ба эътибор гирифта шаванд. Дар солҳои истиқлолият санадҳои меъёрии зиёде қабул гардиданд, ки аз ҷониби ҳукумат маъюбон ҳамчун узви комилҳуқуқи ҷомеа эътироф шудаанд.
Ҳукумати Ҷумҳурии Тоҷикистон ҳамчунин Барномаи давлатии «Муҳити дастрас», ки ба баланд бардоштани дарачаи зиндагонии гражданинхои инвалид нигаронида шудааст. Барнома дар тӯли панҷ сол, аз соли 2021 то 2025 амалӣ хоҳад шуд. Он таъмини дастрасии бароҳати шаҳрвандони дорои маълулият ба инфрасохтори иҷтимоӣ ва намудҳои гуногуни нақлиётро дар бар мегирад.
Дар ин бора ба АМИТ «Ховар» хабар медидад.
Акс: АМИТ «Ховар»
