Исроил ба ҷунбиши Фаластинии Ҳамос ултиматум додааст. Агар дар давоми як ҳафта шартҳои созиши оташбас дар навори Ғазза пазируфта нашавад, Нерӯҳои дифои Исроил (ЦАХАЛ) вориди Рафаҳ мешаванд. Дар ин бора рӯзномаи Wall Street Journal менависад.
Интизор меравад, ки раҳбарияти сиёсии Ҳамос бо ҷиноҳи низомиаш дар навори Ғазза шартҳои созишро баррасӣ ва посух диҳад. Аммо Яҳё Синвор, раҳбари низомии ин гурӯҳ дар Ғазза то ҳол ба ин пешниҳод вокуниш нишон надодааст.
Ба гуфтаи мақомоти мисрӣ, раҳбарияти Ҳамос ба хотири расидан ба шартҳои мусоидтари созиш музокиротро ба таъхир меандозад. Мақомоти Ҳамос шартҳои созишро «хеле норавшан» номиданд, зеро онҳо ба Исроил имкон медиҳанд, ки ҳар лаҳза ҷангро аз сар бигиранд.
Ҳамос дунболи созиши дарозмуддат ва ИМА кафолат медиҳад, ки оташбас риоя мешавад.
Акс: аз манбаъҳои кушода
