Содиқ Имомӣ, муъовини вазири хориҷаи Тоҷикистон ва Самир Шарифов, муъовини вазири умури хориҷаи Озарбойҷон Ёддошти тафоҳум дар заминаи ҳамкориҳои консулгарии вазоратҳои хориҷаи ду кишварро имзо карданд. Ин пас аз анҷоми машваратҳои сиёсии байни департаментҳои дипломатӣ рӯй дод.
Бино ба иттилоъи вазорати умури хориҷаи Тоҷикистон, дар мулоқот масоили кунунии равобити дуҷониба дар бахшҳои сиёсӣ, тиҷорӣ, иқтисодӣ, фарҳангӣ, гуманитарӣ ва ғайра баррасӣ шуд. Таваҷҷуҳи махсус ба равобити дарпешистодаи сатҳи олӣ миёни Тоҷикистон ва Озарбойҷон дода шуд. Ширкаткунандагони мулоқот ҳамчунин доир ба ҳамкориҳои ду кишвар дар чаҳорчӯби созмонҳои байналмилалӣ табодули назар карданд.
Бино ба иттилоъи вазорати умури хориҷаи ҶТ, дидори Эмомалӣ Раҳмон, раисҷумҳури Тоҷикистон ва Илҳом Алиев, раисҷумҳури Озарбойҷон дар нимаи аввали соли 2024 дар назар аст. Қаблан Алиев се маротиба бо як сафари расмӣ – солҳои 2007, 2014 ва 2023 аз Тоҷикистон дидан карда буд. Моҳи апрели соли 2023 дар пайи музокирот бо ҳамтои тоҷикашон дар Душанбе 14 санади нави ҳамкориҳои ду кишвар ба имзо расид.
ТАСС хабар медихад.
Акс: аз манбаъҳои кушода
