Эмомалӣ Раҳмон , раисиҷумҳури Тоҷикистон ва Владимир Путин, раисиҷумҳури Русия, дар як сӯҳбати телефонӣ масоили ҳамоҳангсозии хадамоти иктишофӣ дар мубориза бо терроризмро баррасӣ карданд.
Бино ба иттилоъи дафтари матбуъотии раисҷумҳури Тоҷикистон, сарони давлатҳо ҳамоҳангии наздики ниҳодҳои қудратӣ ва хадамоти вижаро дар мубориза бо терроризм, ифротгароӣ ва ҷиноятҳои созмонёфта таъкид карданд. Онҳо ҳамчунин аҳамияти таҳкими минбаъдаи ҳамкорӣ дар ин заминаро таъкид карданд.
Президентҳо масъалаҳои ҳамкориҳои ду кишварро дар соҳаи муҳоҷирати корӣ баррасӣ карданд. Онҳо ба мувофиқа расиданд, ки ба идораҳои дахлдор супориш дода шавад, ки корҳоро дар ин самт пурзӯр кунанд.
Илова бар ин, ҷонибҳо ҷадвали мулоқотҳои дарпешистодаро ба мувофиқа расониданд. Дар хабар гуфта мешавад, ки раисиҷумҳури Русия аз ҳамтои тоҷики худ барои ширкат дар нишасти ғайрирасмии сарони кишварҳои ИДМ ва чорабиниҳои бахшида ба Рӯзи Ғалаба дар Маскав даъват кардааст.
ТАСС хабар медихад.
Акс: аз манбаъҳои кушода
