Рӯзи 3 май дар Душанбе Намоишгоҳи байналмилалии универсалии «Тоҷикистон-2024» ифтитоҳ мешавад. Он дар маркази ЭКСПО-и шаҳр то 5 май баргузор мешавад.
Чорабиниро Палатаи савдо ва саноати Тоҷикистон бо дастгирии ҳукумати ҷумҳурӣ ташкил мекунад. Дар намоишгоҳ беш аз 60 ширкат аз Тоҷикистон, Белорус, Туркманистон, Эрон, Туркия, Фаластин ва Узбакистон ширкат мекунанд.
Ширкатҳои Давлати Фаластин маҳсулоти фармасевтӣ, косметика ва шустушӯйро намоиш медиҳанд.
Дар назар аст, ки аз намоишгоҳ намояндагони ниҳодҳои давлатӣ ва бахши хусусии кишварҳои хориҷӣ дидан кунанд. Максади онхо шинос шудан бо экспонатхои выставка мебошад.
Намоишгоҳи «Тоҷикистон-2024» ба густариши фаъолияти иқтисодии хориҷии ширкатҳои ширкаткунанда ва таблиғи маҳсулоти истеҳсолкунандагони ватанӣ нигаронида шудааст. Иштирокчиёни хориҷӣ низ қасд доранд дар Тоҷикистон шарикони нави тиҷоратӣ пайдо кунанд.
Доираҳои тиҷоратӣ, сокинон ва меҳмонони пойтахтро ба тамошои Намоишгоҳи байналмилалии универсалии «Тоҷикистон-2024» аз 3 то 5 май ҳамарӯза аз соати 9:00 то 18:00 даъват мекунем.
Дар ин бора ба АМИТ «Ховар» хабар медидад.
Акс: АМИТ «Ховар»
