Дар семоҳаи сеюми соли 2024 дар Душанбе нахустин маркази дилерии ширкати автомобилсозии Русия «АвтоВАЗ» ифтитоҳ мешавад. Дар ин бора дар намояндагии тиҷории Федератсияи Русия дар Тоҷикистон дар пайи мулоқоти раиси намояндагӣ Евгений Коренков бо директори маркази ояндаи дилерии LADA дар ҷумҳурӣ Илдар Бибаев хабар доданд.
Дилерҳои аввал ба стандартҳои истеҳсолкунанда дар фурӯш, хидматрасонӣ ва қисмҳои эҳтиётӣ пурра мувофиқат мекунанд. Илова бар ин, корхонаи автомобилсоз тасмим гирифтааст, ки боз ду маркази дилерӣ ифтитоҳ кунад, ки яке аз онҳо дар маркази маъмурии вилояти Суғд – шаҳри Хуҷанд ҷойгир аст. Дар ҳоли ҳозир мошинҳои LADA-ро метавон аз фурӯшгоҳи муваққатии Душанбе харидорӣ кард, ки дар он моделҳои LADA Niva Legend муаррифӣ мешаванд. Дар оянда дар бозори ҷумҳуриявӣ LADA Largus, LADA Vesta ва LADA Granta низ муаррифӣ хоҳанд шуд.
Дар вохӯрӣ Евгений Коренков дар бораи чораҳои дастгирии намояндагии тиҷорӣ, ки метавонанд ба пешбурди мошинҳои LADA ба муассисаҳои давлатӣ ва соҳибкорони калон мусоидат кунанд, сухан гуфт.
ТАСС хабар медихад.
Акс: аз манбаъҳои кушода
