Барои нахустин бор аз Тоҷикистон ба Итолиё беш аз 60 тонна зардолу содир шуд. Дар қароргоҳи Созмони ғизо ва кишоварзии Созмони Милали Муттаҳид (ФАО) дар Рум, ки раисиҷумҳури Тоҷикистон Эмомалӣ Раҳмон бо як сафари расмӣ дар он ҷо қарор дорад, намоишгоҳи меваҳои Тоҷикистон – зардолу, ангур ва меваҳои хушк баргузор шуд. Дар ин бора дафтари матбуоти раҳбари Тоҷикистон хабар додааст.
Тибқи маълумот, «дар се моҳи аввали соли 2024 бори аввал аз Тоҷикистон ба Ҷумҳурии Италия 66 тонна зардолу содир шудааст». Ин ба шарофати шароити мусоиди иклими районхои Точикистон, ки дар онхо 64 хазор гектар боги зардолу ба вучуд оварда шудааст, имконпазир гардид.
Тоҷикистон ҳамасола то 90 ҳазор тонна меваи хушк содир мекунад, ки бештари онро зардолуи хушк ташкил медиҳад. Тавре дар гузориш зикр гардид, Тоҷикистон яке аз кишварҳои асосии истеҳсолкунандаи зардолу мебошад.
Мақомоти Тоҷикистон бо ФАО ҳамкории зич доранд ва як гурӯҳи кории муштарак имкони шомил кардани як қатор минтақаҳо ва маҳсулоти кишоварзии Тоҷикистонро ба Системаи ҷаҳонии мероси кишоварзӣ меомӯзад. Натичаи кор ба наздикй эълон карда мешавад.
Пас аз маросими расмии ифтитоҳи намоишгоҳ ҷониби Тоҷикистон ба роҳбарияти ФАО намунаҳои ниҳолҳои навъҳои гуногуни зардолу ва ангур тақдим намуд.
ТАСС хабар медихад.
Акс: аз манбаъҳои кушода
