Ҳаҷми муомилоти молии Тоҷикистону Русия дар се моҳи аввали соли 2024 дар муқойиса бо даври мушобеҳи соли гузашта 21% афзоиш ёфта, беш аз 454,2 миллион долларро ташкил додааст. Чунин маълумотро Оҷонсии омори назди президенти Тоҷикистон пешниҳод кардааст.
Тибқи гузориши ин ниҳод, ки мо дар ихтиёр дорем, воридот аз Русия ба Тоҷикистон 433,1 миллион доллар ва содироти колоҳои Тоҷикистон ба Русия 21,1 миллион долларро ташкил додааст.
Тибқи маълумоти тиҷорати хориҷӣ, Русия дар семоҳаи аввали соли 2024 нахустин шарики тиҷоратии Тоҷикистон гардид. Дар ҷои дуюм Чин қарор дошт, ки ҳаҷми муомилоти мол бо он тақрибан 421,3 миллион долларро ташкил дода, нисбат ба моҳҳои январ-марти соли 2023 28,2% афзоиш ёфтааст.
Дар миёни кишварҳои ИДМ Қазоқистон дар ҳаҷми 328,2 миллион доллар, яъне 5,7% афзоиш дар ҳаҷми муомилоти мол бо Тоҷикистон дар ҷои дуввум қарор гирифт. Мубодилоти мол бо Беларус низ афзоиши назаррасро нишон дод – тақрибан 45,6 миллион долларро ташкил дод ва 2,5 баробар афзуд.
ТАСС хабар медихад.
Акс: аз архив
