Шаби 19 апрел муовини канцлер ва вазири умури иқтисод ва ҳифзи иқлими Олмон Роберт Ҳабек дар гаражи зеризаминии яке аз меҳмонхонаҳои Киев, ки ба паноҳгоҳи бомба табдил дода шудааст, беш аз як соат сипарӣ кард. Дар ин бора дар материали агентии DPA гуфта мешавад.
Ҳабек ва ҳайати Олмон, ки бо ӯ вориди Киев шуданд, тақрибан 1,5 соат интизори ҳушдори ҳамлаи ҳавоӣ буданд, гуфтаанд рӯзноманигорон. Баъдан онҳо ба ҳуҷраҳои худ баромаданд. Дар мавод ягон ҷузъиёти изофии ҳодиса оварда нашудааст.
Ёдовар мешавем, ки қаблан маълум шуд, ки Ҳабек ҳамроҳ бо намояндагони доираҳои тиҷоратии Олмон бо як сафари эълоннашуда вориди Киев шудааст. Тавре зикр гардид, дар ҷараёни ин сафар муовини канцлери Олмон ният дорад бо президенти Украина Владимир Зеленский, ҳамчунин вазири иқтисод ва роҳбари вазорати энергетика мулоқот кунад.
Тавре зикр гардид, сафари Хабек ба Киев дар доираи омодагӣ ба конфронси барқарорсозии Украина сурат мегирад. Қарор аст он моҳи июн дар Берлин баргузор шавад.
Акс: аз манбаъҳои кушода
