Бархе аз аъзои кобинаи ҷангии Исроил пешниҳод карданд, ки дар посух ба ин ҳамла ба Эрон зарба зананд. Дар ин бора рӯзномаи New York Times рӯзи 14 апрел бо такя ба мақомоти Исроил хабар дод.
Аммо ба навиштаи нашрия, пас аз сӯҳбати Бенямин Нетаняҳу, нахуствазир ва Ҷо Байден, раиси ҷумҳури Амрико, ӯ аз ҳамла ба Эрон худдорӣ кардааст. Сабаби дигари зикршуда ин хисороти нисбатан ками зарбаи Эрон аст.
Нашрия ҳамчунин қайд мекунад, ки бархе аз вазирону қонунгузорони исроилӣ вокуниши сареъ ва хашмгинона талаб карда, ба ин васила ба раҳбарони ин кишвар фишор овардаанд. Талли Готлив, вакили порлумони Исроил аз ҳизби ростгарои Ликуд гуфт: «Агар ин ҳукумат масъулияти худро барои барқарор кардани унсури боздоранда эътироф накунад ва бо ҳамла ба Эрон посух надиҳад, ин ояндаи давлати Исроилро зери хатар мегузорад», — ҳизб.
Акс: аз манбаъҳои кушода
