6-уми апрел дар шаҳри Кӯлоб даври аввали озмуни ҷумҳуриявии «Ранги чакан» баргузор гардид. Дар ин бора аз мақомоти иҷроияи ҳокимияти давлатии вилояти Хатлон хабар доданд.
Озмун бо мақсади иҷрои дастуру супоришҳои Президенти Ҷумҳурии Тоҷикистон оид ба баргузории ҷашнвораҳо, идҳо ва озмунҳо гузаронида мешавад.
Баргузории озмун яке аз тадбирҳои эҳёи анъанаҳои миллии тоҷикон мебошад. Чакан аз кадим барои ороиши либос истифода мешуд. Барои офаридани ин намуна риштаҳои пашмини дастӣ бофтаи гуногунранг истифода мешаванд.
Пайдоиши гулдӯзии чакан ба ҳазораи дуюми пеш аз милод рост меояд. Дар бораи гулдӯзӣ дар китобҳои «Авесто», «Шоҳнома» ва осори бисёре аз адибони қадим маълумот пайдо кардан мумкин аст. Ҳар як нақш дар чакан маънои худро дорад.
Хунармандони шахри Кулоб хамеша бо махорати фавкулоддаи худ фарк мекунанд.
Бояд гуфт, ки гулдӯзии чакани тоҷикӣ ба Феҳристи репрезентативии ҷаҳонии мероси фарҳангии ғайримоддии башарият аз ҷониби ЮНЕСКО шомил шудааст.
Дар ин бора ба АМИТ «Ховар» хабар медидад.
Акс: Исполнительный орган государственной власти Хатлонской области
