Раиси Шӯрои халқии Туркманистон Қурбонгулӣ Бердимуҳаммадов бо раисиҷумҳури Тоҷикистон Эмомалӣ Раҳмон вазъи Афғонистонро баррасӣ кардааст. Дар ин бора нашрияи расмии «Бетараф Туркманистон» дар пайи сафари Бердимуҳаммадов ба Душанбе хабар додааст.
Ба навиштаи нашрия, Бердимуҳаммадов дар ин дидор таваҷҷуҳи худро ба чолишҳо ва таҳдидҳо ба амният ва суботи минтақа дар заминаи тавсеъаи авзоъ дар манотиқ ва кишварҳои ҳамсоя, бахусус Афғонистон ҷалб кардааст. Вай ҳамчунин таъкид кард, ки Туркманистон қаблан зарурати таҳкими омили минтақавӣ барои ҳалли мушкили Афғонистонро изҳор дошта буд. Сухан дар бораи таҳкими ҳамкориҳои давлатҳои ҳамсояи Афғонистон меравад, зеро онҳо бештар ба ҳарчи зудтар расидани сулҳу оромӣ дар ин кишвар манфиатдоранд.
Бердимуҳаммадов рӯзи 4 апрел бо як сафари расмӣ вориди Душанбе шуд. Дар остонаи сафар дар Тоҷикистон Рӯзҳои фарҳангии Туркманистон оғоз ёфт.
ТАСС хабар медихад.
Акс: аз манбаъҳои кушода
