Мақомоти Бразилия пас аз дархости кишварҳои ғарбӣ аз интиқоли лавозимоти ҷангӣ ба Қувваҳои Мусаллаҳи Украина (ҚМУ) худдорӣ карданд. Дар ин бора Bloomberg рӯзи чаҳоршанбеи 3 апрел бо такя ба мақомоти Бразилия ва Аврупо хабар дод.
«Бразилия дархостҳои иттифоқчиёнро дар бораи интиқоли лавозимоти ҷангӣ ба Киев рад кард», — кайд карда шудааст дар макола.
Bloomberg инчунин қайд кард, ки баҳсҳо оид ба хариди лавозимоти ҷангӣ байни Британияи Кабир ва Ҷопон ба як нуқтаи сарбаста расидааст.
Ҳафтаи гузашта раҳбари Фаронса Эммануэл Макрон барои се рӯз аз Бразилия дидан карда, бо ҳамтои худ Луис Инасио Лула да Силва мулоқот кард. Матбуоти ғарбӣ қабл аз мулоқоташон дар бораи нияти Макрон навиштанд, ки Да Силваро ба тағйири мавқеъи бетарафии худ дар мавриди муноқишаи Русияву Украина ва аз Киев пуштибонӣ кунад. Аммо, дар натиҷаи сафар Париж натавонист ба андешаи Бразилия дар ин масъала таъсир расонад, ҳатто дар нишасти матбуотии ниҳоӣ мавзӯи Украина амалан матраҳ нашуд. Президенти Бразилия танҳо аз идомаи маъракаи низомӣ изҳори таассуф кард.
Акс: аз манбаъҳои кушода
