Шӯрои ҷамъиятии Сафорати Тоҷикистон дар Русия аз шаҳрвандони ҷумҳурӣ даъват кардааст, ки ҳушёр бошанд ва ба иғвои гурӯҳҳои ифротӣ, ки метавонанд барои ҷалби ҷонибдорон аз шабакаҳои иҷтимоӣ ва мессенҷерҳо истифода кунанд, дода нашаванд.
Пас аз ҳамлаи террористие, ки дар «Крокус Сити Холл» дар вилояти Маскав рух дод, дар шабакаҳои иҷтимоӣ маълумоти зиёди бардурӯғ паҳн мешавад. Аз ин рӯ, Шӯро аз шаҳрвандон даъват мекунад, ки ба хабарҳои сохта ва беасос бовар накунанд, балки аз маълумотҳои тасдиқшудаи сомонаҳои расмии мақомоти Русия ва сафорати Тоҷикистон дар Маскав истифода кунанд.
Шӯро ҳамчунин ба шаҳрвандони Тоҷикистон аз зарурати омода кардани тамоми асноди зарурӣ барои будубош дар Русия ёдовар шуда, таъкид мекунад, ки пас аз ҳамлаи террористӣ дар Федератсияи Русия тадобири амниятӣ дар муассисаҳо ва ҷойҳои ҷамъомад пурзӯр карда шудааст. Дар сурати пайдо шудани мушкилот ба шаҳрвандони ҷумҳурӣ тавсия мешавад, ки ба сафорат ва консулгариҳои генералии Тоҷикистон дар шаҳрҳои Санкт-Петербург, Новосибирск, Уфа ва Екатеринбург муроҷиат кунанд.
ТАСС хабар медихад.
Акс: аз манбаъҳои кушода
