Сафири Тоҷикистон дар Русия Давлатшоҳ Гулмаҳмадзода аз Вазорати корҳои хориҷии Русия дидан карда, дар робита ба ҳамлаи террористӣ дар «Крокус Сити Холл» дар вилояти Маскав изҳори ҳамдардӣ кард.
Бино ба иттилои намояндагии дипломатии ҷумҳурӣ дар Маскав, сафир ба наздикону пайвандони ҳалокшудагон изҳори ҳамдардӣ намуда, инчунин ба осебдидагон шифои ҳарчи зудтар орзу кардааст.
Сафорат ва шӯрои ҷамъиятии он низ ҳамлаи террористиро, ки дар вилояти Маскав рух дод, маҳкум карданд.
Қаблан раисиҷумҳури Тоҷикистон Эмомалӣ Раҳмон ба раисиҷумҳури Русия Владимир Путин занг зада ва изҳори ҳамдардӣ карда буд. Эмомалӣ Раҳмон зимни суханронӣ дар Душанбе таъкид кард, ки шаҳрвандони Тоҷикистон бо мардуми Русия ҳамраъйӣ доранд.
Баъдан дар паёми худ Эмомалӣ Раҳмон аз шаҳрвандони ҷумҳурӣ даъват кард, ки ба тарбияи фарзанд таваҷҷӯҳи хоса зоҳир намуда, онҳоро аз гароиши онҳо ба ҳаракатҳои гуногуни тахрибкор ва пешгирӣ аз бадном кардани миллати тоҷик ҷилавгирӣ кунанд.
ТАСС хабар медихад.
Акс: аз манбаъҳои кушода
