Эмомалӣ Раҳмон, раисиҷумҳури Тоҷикистон, ҳамлаи террористӣ дар «Крокус Сити Холл»-ро нангин ва даҳшатнок хонд ва аз тоҷикистониён даъват кард, то ба тарбияи фарзанд таваҷҷӯҳ зоҳир кунанд, то онҳо аз чунин амалҳо эмин бошанд ва номи миллати тоҷикро бадном накунанд.
«Ҳодисаи нангин ва даҳшатоваре, ки дар наздикии Маскав ба вуқӯъ пайваст, бори дигар ҳар яки мо, бахусус волидонро ҳушдор медиҳад, ки ба тарбияи фарзандон боз ҳам ҷиддӣ таваҷҷӯҳ зоҳир кунем», — гуфт ӯ дар маросими ифтитоҳи ҷашни Наврӯз дар Душанбе.
Президент қайд кард, ки шаҳрвандон бояд «наврасону ҷавононро аз таъсири ин гуна гурӯҳу ҳаракатҳои харобиовар ва даҳшатовар ҳифз намуда, пешгирӣ кунанд, ки кӯдакон ба номи неки миллати тоҷик, давлати соҳибистиқлоли тоҷикон ва волидони онҳоро бадном кунанд».
Акс: аз манбаъҳои кушода
