Метеорит моҳи ноябри соли 2020 болои моликияти хусусии музофоти Аппланд афтод. Ду геолог Андреас Форсберг ва Андерс Зеттерквист метеоритро кашф карда, ба Осорхонаи таърихи табиии Шветсия ҳадя карданд. Аммо сохиби замин Йохан Бензельстиерна фон Энгестрем ба ин розй нашуд ва ба суд мурочиат кард.
Соли 2022 додгоҳи марҳилаи аввал қарор кард, ки метеорит объекти манқул буда, ҷузъи моликият ба ҳисоб намеравад, аз ин рӯ ҳуқуқи ихтиёрдории он ба геологҳое, ки онро пайдо кардаанд, тааллуқ дорад. Фон Энгестрем мурочиат карда, таъкид кард, ки метеорит як кисми таркибии замини у мебошад.
Суди шикоятии Свеа бо далелҳои фон Энгестрем розӣ шуд. Додрас Роберт Грин гуфт, ки метеоритҳо «бояд як пораи амволи ғайриманқул ба мисли сангҳои дигар ҳисобида шаванд, ҳатто агар интуитивӣ он чизе барои Замин бегона ба назар мерасад.»
Додгоҳ қарор кард, ки оҳане, ки дар метеорит мавҷуд аст, як қисми муҳими худи заминро ташкил медиҳад ва аз ин рӯ «ба осонӣ аз он чизе, ки одатан моликияти (воқеӣ) ҳисобида мешавад, ҷудо карда намешавад».
Қарори додгоҳ барои геологҳо, ки метеоритро осори илмии дорои аҳамияти бузурги тадқиқотӣ мешуморанд, ҳайратовар буд. Ҳанӯз маълум нест, ки онҳо аз болои ҳукми додгоҳ ба мақомоти болоӣ шикоят хоҳанд бурд ё на.
Акс: аз манбаъҳои кушода
