Сатҳи таваллуд дар Олмон дар солҳои охир ба таври қобили мулоҳиза коҳиш ёфт ва аз соли 2009 ба сатҳи пасттарин расид. Дар ин бора дар як нашрияи Институти федеролии динамикаи аҳолӣ хабар дода шудааст.
«Сатҳи таваллуд дар Олмон дар ду соли охир хеле коҳиш ёфтааст. Он аз 1,57 кӯдак ба як зан дар соли 2021 то ба 1,36 дар тирамоҳи соли 2023 коҳиш ёфт. Ин маънои онро дорад, ки мизони таваллуд нисбат ба 10 соли охир камтар аст», — гуфта мешавад дар изҳороти Институти федеролии динамикаи аҳолӣ. «Меъёри таваллуд ба пасттарин сатҳи худ аз соли 2009 коҳиш ёфтааст», — кайд карда мешавад дар баённома.
Олимон якчанд сабабҳои ин коҳишро номбар кардаанд. Дар байни онҳо бӯҳронҳои муосир ба монанди пандемия, низоъ дар Украина, афзоиши таваррум ва тағирёбии иқлим ҳастанд. «Дар давраи ин қадар бӯҳронҳо, бисёриҳо хоҳиши фарзанддор шуданро дарк намекунанд», — иқтибос меорад институт аз Мартин Буҷар, доктори илмҳои ҷомеашиносӣ ва яке аз ҳаммуаллифони таҳқиқот.
Тибқи нашрия, коҳиши мизони таваллуд танҳо дар Олмон нест. Донишкада мегӯяд, дар Шветсия сатҳи таваллуд аз тақрибан 1,67 кӯдак дар соли 2021 то 1,45 ба як зан дар соли 2023 поин рафта, ба пасттарин сатҳи худ аз замони оғози таҳқиқот расидааст.
Акс: аз манбаъҳои кушода
