Бо ташаббуси Мақомоти иҷроияи ҳокимияти давлатии шаҳри Душанбе дар ҳамкорӣ бо вазорату кумитаҳои дахлдор имрӯз дар боғи «Ирам»-и шаҳри Душанбе Фестивали байналмилалии «Наврӯз – мероси фарҳангӣ ва сайёҳӣ» баргузор гардид.
Дар ҷашнвора ҳунарҳои мардумӣ, анъанаҳои наврӯзӣ, бозиҳои миллии варзишӣ, ошпазии наврӯзӣ, либосҳои миллӣ ва имконоти сайёҳӣ намоиш дода шуд.
Ҷашнвора соли шашум аст, ки бо дастгирии ҳукумати кишвар ба ифтихори ҷашни байналмилалии Наврӯз баргузор мешавад ва ҳадафаш муаррифии сайёҳон бо имконоти сайёҳӣ ва фарҳанги миллии тоҷикон мебошад.
Ҷашни Наврӯз бо вижагиаш яке аз намунаҳои муҳими сайёҳии Тоҷикистон аст, ки таваҷҷуҳи ҷомеаи ҷаҳониро ба мероси ғании таърихию фарҳангии миллати тоҷик ҷалб мекунад.
Дар ин бора ба АМИТ «Ховар» хабар медидад.
Акс: Кумитаи рушди сайёҳии назди Ҳукумати Ҷумҳурии Тоҷикистон
