Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Донишкадаи обуҳавошиносии Финландия дар доираи лоиҳаи «FINTAJ» (марҳилаи 3) ҳамкориҳои мутақобилан судмандро амалӣ менамояд.
Аз 5 то 13 март бо мақсади беҳтар намудани мониторинги сифати ҳаво мутахассисон дар як нуқтаи махсуси мушоҳидаи шаҳри Душанбе таҷҳизоти муосир насб карданд. Дар ин бора аз Агентии обуҳавошиносии ҷумҳурӣ хабар доданд.
Татбиқи ин чорабинӣ фаъолияти нуқтаи мушоҳидаи ташхиси сифати ҳаво дар шаҳри Душанберо боз ҳам ба эътидол меорад.
Гуфта мешавад, ки масъалаи мониторинги сифати ҳаво дар маркази таваҷҷуҳи роҳбарияти Агентии обуҳавошиносии кишвар қарор дошта, дар ин замина корҳои беҳбуди вазъи техникии нуқтаҳои мушоҳида пайваста идома доранд.
Дар ин бора ба АМИТ «Ховар» хабар медидад.
Акс: аз манбаъҳои кушода
