Бо ташаббуси Кумитаи иҷроияи Ҳизби Халқии Демократии Тоҷикистон (ҲХДТ) дар ноҳияи Шоҳмансур ва дар ҳудуди деҳоту маҳаллаҳо ҳашарҳо ташкил карда шуданд. Чунин чорабиниҳо аз ҷониби Кумитаи иҷроияи ибтидоии ҳизбии «Роҳи умед»-и Ҳизби Халқии Демократии Тоҷикистон дар Корхонаи воҳиди давлатии «Роҳи оҳани Тоҷикистон» низ бо иштироки васеи аъзои ҳизб баргузор гардид.
Ин иқдом ба хотири иҷрои дастуру супоришҳои Раиси Ҳизби Халқии Демократии Тоҷикистон, муҳтарам Эмомалӣ Раҳмон ҷиҳати вусъат бахшидан ба корҳои ободонӣ, тозакунӣ, кабудизоркунӣ ва нигоҳдории майдончаҳои варзишӣ дар шаҳри Душанбе сурат гирифтааст. Ин корҳо бо фармони раиси шаҳри Душанбе, мӯҳтарам Рустами Эмомалӣ тасдиқ шудаанд.
Дар ҳашар 15 ҳазор гули мавсимии ороишӣ шинонда шуд. Илова бар ин, ташаббускорони чорабинӣ замини атрофи дарахтонро нарм карда, муҳити атрофро аз хошок ва баргҳои зардшуда тоза карданд.
Ҳадаф аз ин иқдом иҷрои дастуру супоришҳои Раиси Ҳизби Халқии Демократии Тоҷикистон муҳтарам Эмомалӣ Раҳмон ва паёми раиси шаҳри Душанбе, муҳтарам Рустами Эмомалӣ бо мақсади ба шаҳру навоҳии пойтахт табдил додани пойтахт мебошад. «Шаҳр бо гулҳо печонида шудааст.» Ин хам аз хар як рузи офтобии бахор барои тоза ва ободонии бинохои истико-матй, кучаю махаллахои шахри Душанбе самаранок истифода бурдан мебошад.
Бояд гуфт, ки сокини пойтахт будан на танхо ифтихор, балки масъулияти бузург хам аст. Аз ин рӯ, мо сокинони пойтахт бояд ба фарҳанги шаҳрдорӣ риоя кунем, шаҳри Душанбе – пойтахти Тоҷикистонро тозаву озода нигоҳ дорем, майдончаҳои варзиширо ғамхорӣ кунем.
АМИТ «Ховар» бо истинод ба КИ ҲХДТ дар ноҳияи Шоҳмансур хабар медиҳад.
Акс: Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур
