Дар вилоятҳои шимолии Афғонистон захираи бузурги маводи мухаддир мавҷуд аст, ки барои интиқоли ғайриқонунӣ ба Аврупо ва Русия дар «масири шимолӣ» пешбинӣ шудаанд. Дар ин бора Зафар Самад, директори Агентии назорати маводи нашъаовари назди президенти Тоҷикистон дар ҷаласаи 67-уми Комиссияи СММ оид ба маводи мухаддир изҳор дошт.
Вай афзуд, афзоиши ҳаҷми мусодирашудаи маводи мухаддир дар Тоҷикистон аз мавҷудияти захираҳои зиёди маводи мухаддир дар вилоятҳои шимолии Афғонистон шаҳодат медиҳад, ки барои интиқоли онҳо дар «масири шимолӣ» пешбинӣ шудааст.
«Массари шимолӣ» масири интиқоли маводи мухаддир ба Русия ва Аврупо аз Афғонистон тавассути кишварҳои Осиёи Марказӣ аст. Шабакаи қочоқбарӣ дар солҳои 90-уми қарни бистум пас аз пошхӯрии СССР ташкил шудааст.
Зафар Самад қайд кард, ки қочоқбарон дар Афғонистон «бо назардошти тадбирҳои ҳукумати Тоҷикистон ҷиҳати таҳкими марзи Тоҷикистону Афғонистон тавассути бунёди иншооти нави марзӣ вазъиятро арзёбӣ ва имкони интиқоли маводи мухаддир ба Тоҷикистонро меомӯзанд».
ТАСС хабар медихад.
Акс: аз манбаъҳои кушода
