Троэлс Лунд Поулсен, вазири дифои Дания гуфт, ки мақомоти ин кишвар имкони ҷалби занон ба артишро баррасӣ мекунанд. Дар ин бора ТАСС хабар дода шудааст.
Дар ин бора вазир зимни нишасти матбуотӣ изҳорот дод. Ба гуфтаи ӯ, мақомоти кишвар дар садади таҷдиди сохтори тамоми низоми даъвати артиш мебошанд. Даъвати занон шояд бахше аз тағйироти дар пешистода бошад, бо интизории он ки занон ва мардон баробар ба хидмат даъват мешаванд.
«Ин маънои онро дорад, ки тамоми ҷавонон, новобаста аз ҷинс, ба хизмати ҳарбӣ даъват карда мешаванд», — Поулсен гуфт.
Мақомот дар баробари даъвати занон ба хидмати ҳарбӣ муҳлати хидматро аз 4 то 11 моҳ ва ҳамчунин теъдоди даъватшудагонро аз 4,7 то 5 ҳазор нафар афзоиш додаанд. Агар ташаббус қабул шавад, он аз соли 2026 эътибор пайдо мекунад.
Хабар медихад «Рамблер».
Акс: аз манбаъҳои кушода
