Рӯзи 12 март Қазоқистон ба Оҷонсии захираҳои давлатии моддии Тоҷикистон шаҳодатномаи 15 ҳазор тонна мазут супурд.
Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Туреханов ба Соҳибҷон Зиёдуллоев, муовини директори Агентии захираҳои моддии давлатии назди Ҳукумати Ҷумҳурии Тоҷикистон шаҳодатномаи 15 ҳазор тонна мазутро ба таври тантанавӣ супурд. .
Сафири Қазоқистон хабар дод, ки тибқи дастури раисиҷумҳури Қазоқистон Қосим-Ҷомарт Тоқаев дар бораи расонидани кумаки башардӯстона ба Ҷумҳурии Тоҷикистон ба маблағи 2 миллиону 542 миллион танга (тақрибан 5 миллион 650 ҳазор доллари ИМА) тасмим гирифта шудааст. Ин ёрй ба таъмини кори муътадили объектхои мухими энергетикии республика нигаронида шудааст.
Интиқоли борҳои башардӯстона бо мусоидати Оҷонсии рушди байналмилалии Қазоқистон (KazAID) сурат мегирад ва саҳм дар таъмини амнияти энергетикӣ ва як зуҳури муносибатҳои стратегии анъанавӣ байни Қазоқистон ва Тоҷикистон мебошад.
Дар ин бора ба АМИТ «Ховар» аз Агентии захираҳои моддии давлатии назди Ҳукумати Ҷумҳурии Тоҷикистон хабар доданд.
Акс: Сафорати Ҷумҳурии Қазоқистон дар Ҷумҳурии Тоҷикистон
