Дар Душанбе ҷаласаи гурӯҳи корӣ баргузор гардид, ки дар он муовини аввали вазири кишоварзии Ҷумҳурии Тоҷикистон ва сардори Раёсати татбиқи стратегияи рушди кишоварзии Вазорати кишоварзии Ҷумҳурии Ӯзбекистон иштирок доштанд.
Зимни мулоқот ҷонибҳо масъалаҳои таҳкими ҳамкорӣ дар соҳаи зироаткорӣ, чорводорӣ, технология, рақамикунонӣ, илму инноватсия, воридоту содироти молу маҳсулот, табодули таҷриба ва дигар паҳлӯҳои муҳими соҳаро баррасӣ намуданд.
Қобили зикр аст, ки дар чаҳорчӯби барномаи сафар ҳайати вазорати кишоварзии Ӯзбекистон ба вилоятҳои Суғду Хатлон сафар карда, дар онҷо бо тасмимгирандагон мулоқотҳо анҷом доданд.
Инчунин, бо мақсади муайян намудани самтҳои афзалиятноки ҳамкорӣ дар соҳаи кишоварзӣ ҳайат бо имконияту имконоти минтақаҳо, хоҷагиҳои пешқадам, хоҷагиҳои паррандапарварӣ ва моҳипарварӣ шинос шуд.
Дар ин бора ба АМИТ «Ховар» бо истинод ба Вазорати кишоварзии ҷумҳурӣ хабар медиҳад.
Акс: аз манбаъҳои кушода
