Дар ноҳияи Дарвоз бахшида ба Рӯзи Модар ҷамъомади тантанавӣ ва барномаи фарҳангию фароғатӣ баргузор гардид.
Ҳамасола дар сатҳи давлатӣ таҷлил шудани Рӯзи Модар аз таваҷҷуҳ ва эҳтироми бепоёни Президенти Ҷумҳурии Тоҷикистон муҳтарам Эмомалӣ Раҳмон нисбати занону модарон гувоҳӣ медиҳад.
Раиси ноҳия ба ифтихори Рӯзи Модар ба як қатор собиқадорон барои хизматҳои шоиста ва бенуқсонашон дар рушди ноҳия ва тарбияи насли наврас дар рӯҳияи ватандӯстӣ туҳфаҳои хотиравӣ тақдим намуд.
Илова бар ин, ба як гурӯҳ хонандагон барои иштироки фаъолона дар чорабиниҳои мактабию оммавӣ, озмуну олимпиадаҳои сатҳи вилоятӣ ва ҷумҳуриявӣ ифтихорнома ва туҳфаҳои хотиравӣ супорида шуд.
Дар ин бора АМИТ «Ховар» бо истинод ба мақомоти иҷроияи ҳокимияти давлатии ноҳия хабар дод.
Акс: Исполнительный орган государственной власти Дарвазского района
