Рӯзи 5 март дар Ҷидда мулоқоти вазирони корҳои хориҷии Тоҷикистон ва Арабистони Саудӣ Сироҷиддин Муҳриддин ва шоҳзода Файсал бин Фарҳон Оли Сауд баргузор шуд.
Зимни мулоқот масъалаҳои равобити дуҷониба ва бисёрҷонибаи Тоҷикистону Арабистони Саудӣ ва роҳҳои таҳкими ҳамкориҳои мутақобилан судманди ду кишвар дар бахшҳои мухталиф мавриди баррасӣ қарор гирифтанд.
Ҷонибҳо таъкид карданд, ки барои таҳкими ҳамкориҳои дуҷониба аз тамоми имконот ва механизмҳои мавҷуда истифода хоҳанд кард. Имсол дар назар аст, ки як қатор чорабиниҳо ва вохӯриҳои муштарак баргузор шаванд.
Сарони вазоратҳои корҳои хориҷӣ ҳамчунин доир ба масъалаҳои мубрами байнулмилалӣ ва минтақавӣ, аз ҷумла вазъи бӯҳронии Фаластин табодули афкор намуданд.
Дар ин бора АМИТ «Ховар» бо истинод ба Васорати корхои хоричии Точикистон хабар дод.
Акс: АМИТ «Ховар»
