Ҳайати 20 нафараи ҷавонони тоҷик аз созмонҳои гуногуни давлатӣ ва ҷамъиятии Тоҷикистон барои ҳамоиши «Ҷавонони Ҳиндустон ва Осиёи Марказӣ», ки аз 6 то 13 март дар Деҳлӣ ва Аҳмадобод баргузор мешавад, ба Ҳиндустон рафтанд.
Ҳадаф аз баргузории ҳамоиш таҳкими ҳамкорӣ дар бахшҳои сиёсат, варзиш, илм, маориф, фарҳанг, саноат, сайёҳӣ, фанновариҳои коммуникатсионӣ ва рушди ҳамкориҳои байналмилалии ҷавонон миёни Ҳиндустон ва Осиёи Марказӣ мебошад.
Дар ин бора ба АМИТ «Ховар» бо истинод ба Маркази таҳлилу иттилооти дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар дод.
Акс: аз манбаъҳои кушода
