Дар пойтахти Ҷумҳурии Тоҷикистон, шаҳри Душанбе, соли 2024 боз як чорабинии сатҳи ҷаҳонӣ – Чемпионати ҷаҳон оид ба дзюдо байни наврасону ҷавонон баргузор мешавад.
Бино ба иттилоъи федерасиюн, рӯзи 3 март дар Тошканд маросими имзои қарордод дар бораи баргузории мусобиқоти қаҳрамонии дзюдо миёни наврасону ҷавонон дар Душанбе миёни намояндагони Федеросиюни байналмилалии дзюдо ва раиси Федератсияи дзюдои Тоҷикистон Исмоил Маҳмадзоир баргузор шуд.
Бояд гуфт, ки ин дуввумин чорабинии варзишии сатҳи ҷаҳонӣ мебошад, ки соли 2024 дар шаҳри Душанбе баргузор мешавад. Мусобиқаи «Душанбеи калон-2024» рӯзҳои 3-5 май дар назар аст.
Дар ин бора АМИТ «Ховар» бо истинод ба Федератсияи дзюдои Тоҷикистон хабар дод.
Акс: Федератсияи дзюдои Тоҷикистон
