Тарҳи барномаи таҳкими марзи миёни Тоҷикистон ва Афғонистон ниҳоӣ ва ба Шӯрои доимии Созмони Паймони Амнияти Дастаҷамъӣ (СПАД) ироа шуд. Тухфа дар бора Вазорати корхои хоричии Точикистон хабар дод.
Бар асоси ин гузориш, аз 27 феврал то 1 март дар Маскав нишасти намояндагони вазорату идораҳои кишварҳои узви СПАД ва ҳамчунин аъзои гурӯҳи кории ниҳоӣ барои таҳияи тарҳи барнома баргузор шуд. Ҷаласаро ҷониби Тоҷикистон раисӣ кард.
Дар ин нишаст кишварҳои узв тарҳи барномаҳо ва тасмимҳои ниҳодҳои СПАД-ро ниҳоӣ карда, бастаи аснодро барои қабули тасмими ниҳоӣ ба баррасии Шӯрои доимии ин созмон пешниҳод карданд.
Шӯрои доимии СПАД аз намояндагони ваколатдори кишварҳои узви ин созмон иборат буда, ҳамкориҳои мутақобиларо дар давраи байни иҷлосияҳои Шӯрои СПАД, ки ба ҳайати он сарони давлатҳо шомил аст, ҳамоҳанг мекунад.
ТАСС хабар медихад.
Акс: аз манбаъҳои кушода
