Дар Тоҷикистон то 4 март ҳавои ноустувор пешбинӣ шуда, хатари фаромадани тарма ва сангрезӣ боқӣ мемонад. Дар ин бора Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар медихад
Рӯзҳои 1 ва 2 март дар баъзе ноҳияҳои ҷумҳурӣ бориши борон ва барф дар назар аст. Манбаъ мегӯяд, то 4 март дар ноҳияҳои кӯҳӣ, вилояти Суғд ва ғарби Вилояти Мухтори Кӯҳистони Бадахшон хатари фаромадани тарма боқӣ мемонад.
Дар робита ба ин, ба аҳолӣ тавсия дода мешавад, ки дар ин рӯзҳо чораҳои эҳтиётӣ андешанд: захбуру каналҳои сел, ҷӯйборҳои обёрӣ аз партовҳо тоза карда, инчунин аз ҷамъоварии ҳезум, моҳидорӣ, чаронидани чорво ва шикор дар минтақаҳои хатарнок худдорӣ намоянд.
Ронандагон ва дӯстдорони туризми кӯҳнавардӣ, автомобили кӯҳӣ, мотоцикл ва велосипедронӣ ҳангоми рондан дар минтақаҳои кӯҳӣ бояд қоидаҳои бехатарӣ ва фосилаи муқарраршудаи ҳаракатро қатъиян риоя кунанд.
Дар ин бора ба АМИТ «Ховар» хабар медидад.
Акс: аз архив
