Дар доираи мусобиқаҳои байналмилалии «Бозиҳои оянда», ки дар Қазон баргузор мешавад, намояндагони Кумитаи ҷавонон ва варзиши назди Ҳукумати Ҷумҳурии Тоҷикистон бо фаъолияти ташкилоти ҷамъиятии фарҳангии тоҷикон шинос шуданд. Ҷумҳурии Тотористон ва бо ҷавонону варзишгарони сокини Қазон мулоқот намуд.
Дар ҷаласа раиси созмони ҷамъиятии фарҳангии тоҷикони Ҷумҳурии Тотористон Садриддин Тоиров ва дигар масъулони ин созмон ширкат доштанд.
Зимни вохӯрӣ масъалаҳои пурзӯр намудани фаъолият дар самтҳои кор бо ҷавонон ва варзиш, иштироки фаъолонаи ҷавонон дар чорабиниҳои гуногуни варзишӣ ва фарҳангӣ, инчунин ҳифзи урфу одатҳои миллӣ, ташкил ва баргузории чорабиниҳо дар Қазони Ҷумҳурии Тотористон мавриди баррасӣ қарор гирифтанд.
Зимнан зикр гардид, ки дар ин созмон беш аз 39 ҳазор нафар шаҳрвандони Ҷумҳурии Тоҷикистон сабти ном шудаанд, ки беш аз 8 ҳазор нафари онҳоро ҷавонон ташкил медиҳанд. Ҳамчунин, дар Ҷумҳурии Тотористон беш аз 18 ҳазор тоҷикистонӣ фаъолият доранд.
Бо мақсади иштироки ҷавонон дар барномаҳои фарҳангию варзишӣ бо дастгирии роҳбарияти Кумитаи кор бо ҷавонон ва варзиш ташкилоти ҷамъиятии фарҳангии тоҷикони Ҷумҳурии Тотористон бо либосҳои миллӣ ва чанд нафар варзишгароне, ки дар мусобиқаҳои байналмилалӣ оид ба варзиш баромад мекунанд, мукофотонида шуданд. аз номи Тоҷикистон бо либоси ягонаи Тоҷикистон мукофотонида шуданд.
Дар ин бора ба АМИТ «Ховар» хабар медидад.
Акс: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
