21 феврал мулоқоти Сафири Фавқулода ва Мухтори Ҷумҳурии Тоҷикистон дар Шоҳигарии Арабистони Саудӣ Акрам Каримӣ ва муовини вазири корҳои хориҷии Арабистони Саудӣ Валид Ал-Хурайҷӣ баргузор гардид.
Зимни вохӯрӣ паёми Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба ходими ду зиёратгоҳ – Шоҳи Арабистони Саудӣ Салмон ибни Абдулазиз Оли Сауд расонида шуд.
Ҷонибҳо ҳамчунин вазъи кунунӣ ва дурнамои равобити дуҷониба ва бисёрҷонибаи Тоҷикистон ва Арабистони Саудиро баррасӣ карданд.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
АКС: Вазорати корҳои хориҷии точикистон
