Директори «Ховар» Субҳиддин Шамсиддинзода рӯзи 21 феврал бо Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон Алимирзамин Аскеров мулоқот анҷом дод.
Зимни суҳбат Субҳиддин Шамсиддинзода тавсеа ва таҳкими равобити дуҷониба бо оҷонсиҳои иттилоотии кишварҳои ИДМ, аз ҷумла бо хабаргузории AZERTA-ро муҳим арзёбӣ кард.
Мудири ширкати «Ховар» ҳамчунин таъкид кард, ки дар ҷаҳони муосир пуштибонии иттилоотӣ аз ташаббусҳои мухталиф, чи хурду ҳам ҷаҳонӣ хеле муҳим аст. Кишвари мо бо роҳбарии хирадмандонаи Президенти Ҷумҳурии Тоҷикистон, муҳтарам Эмомалӣ Раҳмон як қатор ташаббусҳои глобалӣ ба миён гузоштааст, ки ба дастгирӣ ва фарогирии шарикони хориҷӣ, аз қабили АЗЕРТА ниёз доранд.
Қобили зикр аст, ки моҳи июн дар шаҳри Душанбе сеюмин Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» баргузор мешавад. Мо аз ҳамаи шарикони худ даъват менамоем, ки дар инъикоси ин чорабинӣ ширкат варзанд.
Дар ин бора ба АМИТ «Ховар» хабар медидад.
Акс: АМИТ «Ховар»
