Тайи 24 соати ахир дар Тоҷикистон чандин бор фаромадани тарма рух додааст. Аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар доданд, ки хушбахтона касе осеб надидааст ва ба биноҳо осеб нарасидааст.
Рӯзи 17 феврал дар километри 550-уми шоҳроҳи Душанбе-Хоруғ дар ҳудуди шаҳраки Химбичсени ҷамоати деҳоти Пастхуфи ноҳияи Рӯшони ВМКБ тарма ба амал омад. Рох баста шуд. Бо талоши хадамоти роҳи Вазорати нақлиёти кишвар роҳ тоза карда шуд.
Рӯзи 18 феврал дар километри 31-32 шоҳроҳи Хоруғ – Ишкошим дар шаҳраки Барҷири ҷамоати деҳоти ба номи А.Замирови ноҳияи Ишкошим ду тарма фаромаданд. Рох тоза ва харакати наклиёт баркарор гардид.
Дар километри 24-уми шоҳроҳи ҷумҳуриявии «Хоруг – Ишкошим», дар километри 674-уми шоҳроҳи «Душанбе – Хоруғ-Қулма» ва километри 26-27-уми шоҳроҳи «Хоруг – Ишкошим» ҳам фаромадани тарма ба амал омад.
Дар километри 356-уми шоҳроҳи байналмилалии “Душанбе – Кӯлоб – Дарвоз – Хоруғ” сангрезӣ ба амал омад.
Дар ин бора ба АМИТ «Ховар» хабар медидад.
Акс: аз архив
