Рӯзи 19 феврал дар Маскав мулоқоти Сафири Фавқулода ва Мухтори Ҷумҳурии Тоҷикистон дар Русия Давлатшоҳ Гулмаҳмадзода ва муовини ректори Донишгоҳи молия Дмитрий Семёнов баргузор гардид.
Дар рафти вохӯрӣ ҷонибҳо оид ба таҷрибаи мусбати ҳамкориҳои чандинсола дар самти омодасозии молиячиён, ҳуқуқшиносони молиявӣ, иқтисоддонҳо, мутахассисони технологияҳои иттилоотӣ ва дигар мутахассисони баландихтисос табодули афкор намуданд.
Ҷонибҳо таваҷҷӯҳи афзояндаи ҷавонони тоҷикро ба таҳсил дар Донишгоҳи молӣ бо қаноатмандӣ қайд карданд. Феълан дар донишгоҳ беш аз 220 донишҷӯ аз Тоҷикистон таҳсил мекунанд, ки аксарияти кулли донишҷӯёни хориҷиро дар ин донишгоҳ ташкил медиҳанд.
Дар ин замина гуфта шуд, ки усулҳои муосири таълим ва шароити фароҳам овардани таҳсил дар донишгоҳ барои бомуваффақият азхудкунии донишҷӯён мусоидат мекунад.
Давлатшоҳ Гулмаҳмадзода ба донишҷӯён дар бораи дастовардҳои Тоҷикистон дар тӯли 32 соли истиқлолият, аз ҷумла ҳифзи арзишҳои таърихию фарҳангӣ ва ҳувияти миллии ҷавонон маълумот дод. Дар ин замина дастгирии доимӣ ва ҳамаҷонибаи Президенти Ҷумҳурии Тоҷикистон муҳтарам Эмомалӣ Раҳмон дар фароҳам овардани шароити зарурӣ барои таълиму тарбияи ҷавонон махсусан қайд карда шуд.
Дар ин бора ба АМИТ «Ховар» бо истинод ба Сафорати Тоҷикистон дар Русия хабар медиҳад.
Акс: Сафорати Тоҷикистон дар Русия
