Дастаи мунтахаби футзали Тоҷикистон дар доираи омодагӣ ба қисми ниҳоии Ҷоми Осиё-2024 бо тимҳои миллии Арабистони Саудӣ ва Узбакистон бозиҳои дӯстона анҷом медиҳад.
Мунтахаби футзали Тоҷикистон аз 14 феврал то 2 март дар Ҷидда ҷамъомади таълимиву тамринӣ гузаронида, дар он бо тими миллии Арабистони Саудӣ ду бозии дӯстона анҷом медиҳад. Ин вохӯриҳо рӯзҳои 26 ва 28 феврал баргузор мешаванд.
Тими миллии футзали Тоҷикистон пас аз анҷоми ҷамъомади таълимиву тамринӣ дар Арабистони Саудӣ барои анҷоми ду бозии дӯстона бо тими миллии Узбакистон (4 ва 5 март) ба Тошканд сафар мекунад.
Қаблан, дар авоили моҳи феврал футзалбозони Тоҷикистон бо тими миллии Кувайт ду бозии дӯстона анҷом дода буданд (3:3 ва 2:4).
Қобили зикр аст, ки дар Ҷоми футзали Осиё-2024, ки аз 17 то 28 апрел дар Тайланд баргузор мешавад, мунтахаби Тоҷикистон дар гурӯҳи “С” бозӣ мекунад. Рақибони дастаи мо дастаҳои Кореяи Ҷанубӣ (18 апрел), Қирғизистон (20 апрел) ва Ҷопон (22 апрел) хоҳанд буд.
Дар ин бора ба АМИТ «Ховар» бо истинод ба Федерацияи футболи Точикистон хабар медидад.
АКС: Федератсияи футболи Тоҷикистон
