Рӯзи 14 феврал Кумитаи кор бо ҷавонон ва варзиши назди Ҳукумати Ҷумҳурии Тоҷикистон натиҷаҳои соли гузаштаро ҷамъбаст намуда, барандагони ҷоизаҳоро дар бахшҳои мухталифи соҳаи варзиш номбар кард.
Ҷоизаи «Беҳтарин дастаи соли 2023» ба тими миллии футболи Тоҷикистон, ки дар мусобиқаи байналмилалии «Кубок Мердека-2023» дар Малайзия ғолиб омад, супурда шуд. Инчунин, тими миллии Тоҷикистон таҳти роҳбарии мутахассиси хорватӣ Петр Сегрт дар Ҷоми Осиё-2023 дар Қатар бомуваффақият баромад карда, ба марҳилаи чорякниҳоӣ роҳ ёфт ва даста дар таърихи варзиши кишвар дастоварди барҷастаро сабт кард.
Илова бар ин, Федератсияи футболи Тоҷикистон беҳтарин федератсияи варзишии кишвар дар соли 2023 эътироф гардид.
Дар ин бора ба АМИТ «Ховар» бо истинод ба Федерацияи футболи Точикистон хабар медидад.
АКС: Федератсияи футболи Тоҷикистон
