Ҳайатҳои Шӯрои соҳибкорони Русияву Тоҷикистон (ШСРТ) ва Маркази бехатарии саноатии Аландар дар ҷараёни боздиди худ ба Тоҷикистон масъалаҳои таҳияи барномаҳои таълимии омодагии касбии захираҳои меҳнатии ҷумҳурӣ дар соҳаи сохтмонро баррасӣ карданд.
Ба гуфтаи ӯ, мавзӯъи гуфтугӯи намояндагони Русия ва маъмурияти вилоятҳои Суғду Хатлони Тоҷикистон масоили омӯзишу парвариш ва омодагии касбии шаҳрвандони ҷумҳурӣ ба касбҳои коргарӣ будааст. «ШСРТ ташаббусеро пешниҳод мекунад, ки ба таҳияи барномаҳои таълимӣ бо мақсади баланд бардоштани тахассус ва омодасозии захираҳои меҳнатӣ, аз ҷумла дар соҳаи сохтмон бо тахассуси бехатарии саноатӣ, ҳифзи меҳнат ва ҳифзи муҳити зист равона карда шудааст», — Назаралиев кайд намуд.
Хайатхои вакилон аз мактабхои миёнаи махсуси шахрхои Душанбе, Кулоб ва Хучанд дидан карданд. «Бо дарназардошти ҷолибияти бозори меҳнати Русия барои шаҳрвандони Тоҷикистон, Шӯрои соҳибкорон дар ҳамкорӣ бо шарикони тиҷоратӣ марказҳои омӯзишӣ ва ҷалби онҳоро ба нақша гирифтааст», — Назаралиев таъкид кард. Вай тавзеҳ дод, ки марказҳо барои роҳандозии барномаҳои иловагии касбомӯзӣ, бозомӯзӣ, такмили ихтисос ва такмили ихтисосҳои корӣ пешбинӣ шудаанд.«Ҳамаи ин тадбирҳо ба дастгирӣ ва таъмини дастрасии кадрҳои соҳибихтисос нигаронида шуда, ба рушди мутақобилан судманди ҳамкориҳои Русия ва Тоҷикистон мусоидат мекунанд», — гуфт дар хотима раиси Совети тичоратй.
Дар ин бора ТАСС бо истинод ба раиси ШСРТ Ислом Назаралиев хабар медиҳад.
Акс: аз манбаъҳои кушода
