Имрӯз, 25 январ дар Қасри Миллат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муовини Сарвазир, Вазири корҳои хориҷии Ҷумҳурии Қазоқистонро ба ҳузур пазируфтанд. Мурат Нуртлеу, ки бо як сафари расмӣ вориди Тоҷикистон шудааст.
Зимнан зикр мегардад, ки зимни мулоқот доираи васеи масъалаҳои ҳамкориҳои Тоҷикистону Қазоқистон мавриди баррасӣ қарор гирифтанд. Тамоюли тавсеаи устувори шарикии стратегии ду кишвар, инчунин ба сатҳи ҳамкориҳои иттифоқӣ баромадани онҳо бо қаноатмандӣ қайд карда шуд.
Сарвари давлатамон рушд ва таҳкими муносибатҳои дӯстӣ ва ҳамкорӣ бо Ҷумҳурии Қазоқистонро авлавияти тағйирнопазири сиёсати хориҷии Тоҷикистон номид.
Пешвои миллат бо таъкид ба натоиҷи баланди соли гузашта, ба шиддат гирифтани равобити Тоҷикистону Қазоқистон дар соли ҷорӣ таъкид карданд.
Ҳарду ҷониб ҷонибдори рушди минбаъдаи самарабахши ҳамкориҳои мутақобилан судманди ду кишвар дар соҳаҳои иқтисод, аз қабили тиҷорат, саноат, энергетика ва бахши агросаноатӣ ва сармоягузорӣ, инчунин дар соҳаҳои сайёҳӣ, фарҳанг ва маориф изҳори назар намуданд. .
Дар мулоқот ҳамчунин доир ба чорабиниҳои дар сатҳи дуҷониба ва бисёрҷониба ба нақша гирифташуда дар соли ҷорӣ табодули афкор сурат гирифта, масъалаҳои мубрами рӯзномаи байналмилалӣ ва минтақавӣ баррасӣ шуданд.
Дар ин бора ба АМИТ «Ховар» хабар медидад.
Акс: АМИТ «Ховар»
