Намояндагони ҷунбиши шиъаи «Ансар Аллах» (ҳусиҳо), ки қисмати шимолии Яманро дар даст доранд, гуфтанд, ки дар ҷараёни даргирӣ миёни нирӯҳои дарёии ин гурӯҳ ва Нерӯҳои дарёии Амрико, яке аз киштиҳои душман сарнагун карда шуд.
«Дар халиҷи Адан ва гулӯгоҳи Боб-ул-Мандеб бо як қатор эсминецҳо ва киштиҳои ҷангии амрикоӣ бархӯрд ба амал омад, ки ду киштии тиҷоратии Амрикоро муҳофизат карданд», — сухангӯи артиши Ҳусиҳо Яҳё Сария дар шабакаҳои иҷтимоӣ навишт.
Вай қайд кард, ки дар натиҷаи амалиёт ба Ҳусиҳо муяссар шуд, ки ба як киштии низомии ИМА зарба зананд ва ду киштии тиҷоратии Амрико маҷбур шуданд, ки аз масир берун шаванд.
Сария афзуд, даргирӣ беш аз ду соат идома кард ва нерӯҳои мусаллаҳи Яман дар он аз мушакҳои зидди киштӣ истифода карданд.
Акс: аз манбаъҳои кушода
